పిడికిట తలంబ్రాల

పిడికిట తలంబ్రాల పెండ్లి కూతురు కొంత ||పల్లవి||

పెడమరలి నవ్వీనీ పెండ్లి కూతురు

పేరుకల జవరాలీ పెండ్లి కూతురు పెద్ద

పేరుల ముత్యాల మెడ పెండ్లి కూతురు

పేరంటాడ్ల నడిమి పెండ్లి కూతురు విభు

పేరుకుచ్చ సిగ్గువడి బెండ్లి కూతురు ||చరణం 1||

బిరుదు పెండెము వెట్టె పెండ్లి కూతురు నెర

బిరుదు మగని కంటె పెండ్లి కూతురు

పిరిదూరి నప్పుడే పెండ్లి కూతురు పతి

బెరరేచి నిదివో పెండ్లి కూతురు ||చరణం 2||

పెట్టెనే పెద్ద తురుము పెండ్లి కూతురు నేడె

పెట్టెడు చీరలు గట్టి పెండ్లి కూతురు

గట్టిగా వేంకటపతి కౌగిటను వడి

వెట్టిన నిధానమయిన పెండ్లి కూతురు ||చరణం 3||