భావములోన బాహ్యము నందును

భావములోన బాహ్యము నందును
గోవింద గోవింద యని కొలువవో మనసా


హరి యవతారములే అఖిల దేవతలు
హరి లోనివే బ్రహ్మాండంబులు
హరి నామములే అన్ని మంత్రములు
హరి హరి అనవో మనసా


విష్ణు నీ మహిమలే విహిత కర్మములు
విష్ణుని పొగడెడి వేదంబులు
విష్ణు డొక్కడే విశ్వాంతరాత్ముడు
విష్ణువు విష్ణువని వెదక వో మనసా


అచ్యుతుడితడే ఆదియు నంత్యము
అచ్యుతుడే అసురాంతకుడు
అచ్యుతుడు శ్రీ వేంకటాద్రి మీద నిదె
అచ్యుత అచ్యుత శరణనవో మనసా