జగడపు చనవుల జాజర

జగడపు చనవుల జాజర

సగినల మంచపు జాజర ||పల్లవి||

మొల్లలు తురుముల ముడిచిన బరువున

మొల్లపు సరసపు మురిపెమున

జల్లన పుప్పొడి జారగ పతిపై

చల్లే రతివలు జాజర ||చరణం 1 ||

భారపు కుచముల పైపైగడు సిం-

గారము నెరపేటి గంధవొడి

చేరువ పతిపై చిందగ బడతులు

సారెకు జల్లేరు జాజర ||చరణం 2 ||

బింకపు కూటమి పెనగేటి చెమటల

పంకపు పూతల పరిమళము

వేంకటపతిపై వెలదులు నించేరు

సంకుమదంబుల జాజర ||చరణం 3 ||