అలరులు కురియగ

అలరులు కురియగ ఆడినదే అలకల కులుకుల అలమేల్ మంగ

అర విరి సొబగుల నతివలు మెచ్చగ
అర తెర మరగున నాడెనదే
వరుస పూర్వ దువాళపుతిరుపుల
హరి గరిగింపుచు నలమేల్ మంగ

మట్టపు మలపుల మట్టెల కెలపుల
తట్టెడి నడపుల దాటెనదే
పెట్టిన వజ్రపు పెండెపు తళుకులు
అట్టిట్టు చిమ్ముచు నలమేల్ మంగ

చిందుల పాటల సిరి పొలియాటల
అందెల మోతల నాడెనదే
కందువ తిరు వేంకట పతి మెచ్చగ
అందపు తిరుపుల నలమేల్ మంగ

భావం : అన్నమయ్య ఈ కీర్తన లో అలిమేల్ మంగ తన ఆట పాటలతో తన పాటి ఐన వేంకటేశ్వరుని ఎలా ఆనందింప చేస్తోందో వర్ణిస్తున్నాడు.